बारामती शहराचा पाणीपुरवठा राहणार बंद

बारामती, 27 एप्रिलः बारामती नगर परिषद हद्दीतील भिगवण रोड तीन हत्ती चौका लगतच्या नीरा डावा कालवा पुलावरील पाणी पुरवठ्याच्या दाब नलिका, वितरण नलिका नवीन पुलावरुन स्थानांतरीत करणेचे काम करण्यात येत आहे.

सदरच्या पाईप लाईन्स् पूर्ववत जोडणेचे काम करण्यासाठी बराच वेळ लागणार आहे. यामुळे गुरुवार, 28 एप्रिल 2022 रोजी सिध्दार्थनगर, भीमनगर, चंद्रमणीनगर, विठ्ठलनगर, कोअरहाऊस, वडार सोसायट्या, वडकेनगर, सटवाजीनगर आदीसह संपूर्ण आमराई विभागात पाणी पुरवठा बंद राहील.
तसेच शुक्रवार, 29 एप्रिल 2022 रोजी विजयनगर, पोस्टरोड, जवाहरनगर, सिनेमारोड, महावीर पथ, बुरुडगल्ली, नेवसे रोड, सिध्देश्वर गल्ली, कसबा गल्ली, सनगर गल्ली, श्रीराम गल्ली या भागातील पाणी पुरवठा बंद राहील.

तरी संबंधित भागातील नागरिकांनी नोंद घेवून पुरेसा पाणी साठा करून पाणी काटकसरीने वापरुन नगर परिषदेस सहकार्य करावे, अशी विनंती बारामती नगर परिषदेकडून करण्यात आली आहे.

Leave a Reply

Your email address will not be published. Required fields are marked *