बारामती, 3 डिसेंबरः बालकांचे लैंगिक शोषण झाल्यानंतर शासनाची सर्वात प्रथम जी यंत्रणा कार्यान्वित होते, ते म्हणजे पोलीस होय. निर्भया प्रकरणानंतर बालकांचे लैंगिक शोषणापासून संरक्षण होण्यासाठी लैंगिक गुन्ह्यांपासून बालकांचे संरक्षण कायदा 2012 अस्तित्वात आला. त्यामध्ये वेळोवेळी सुधारणाही झाल्या आहेत. त्यामध्ये पोलिसांची भूमिका अत्यंत महत्त्वाची असते.
पीडित बालकाला व त्यांच्या पालकांना संरक्षण देऊन त्यांना सर्वतोपरी मदत मिळवण्याची प्रमुख भूमिका पोलीस हे इतर विभागांना घेऊन करत असतात. पोलीस अधिकारी व कर्मचारी या कायद्याच्या तरतुदींबाबत अद्यावत असण्यासाठी पोलीस अधीक्षक अंकित गोयल, अप्पर पोलीस अधीक्षक आनंद भोईटे यांच्या संकल्पनेतून निर्माण बहुउद्देशीय विकास संस्था व मैत्री नेटवर्क यांनी या कायद्याबाबतचे एकदिवसीय पोलिसांचे प्रशिक्षण आयोजित करण्यात आले होते. या प्रशिक्षणाचे उद्घाटन बारामती विभागाचे प्रमुख अप्पर पोलीस अधीक्षक आनंद भोईटे यांनी केले. सदरचे प्रशिक्षण बारामती पंचायत समिती येथील सभागृहात पार पडले.
हे प्रशिक्षण आयोजित करण्यामध्ये पोलीस निरीक्षक सुनील महाडिक, निर्माण संस्थेचे संकेत माने, दिपाली कांबळे, वैशाली भांडवलकर यांनी पुढाकार घेतला. या प्रशिक्षणामध्ये कौटुंबिक हिंसाचार विरोधी कायदा व पोलिसांची भूमिका याबाबत तसेच कलम 498 बाबत माजी अतिरिक्त सरकारी वकील विजयसिंह मोरे यांनी माहिती दिली. बालकल्याण समितीचे मेंटॉर सुमित्र आष्टीकर यांनी पोस्को कायद्याबाबत अध्यायावत माहिती दिली. महिलांसाठीच्या वन स्टॉप योजनेबाबत माहिती सखी वन स्टॉप सेंटर एकच्या शुभांगी घरबुडे यांनी दिली.
या कार्यक्रमाचे समारोप भाषण उपविभागीय अधिकारी गणेश इंगळे यांनी केले. कार्यक्रमाचा समारोप निर्माण संस्थेचे रवी पवार यांनी केला. या प्रशिक्षणासाठी गटविकास अधिकारी बागल यांनी पंचायत समिती हॉल विनामूल्य उपलब्ध करून दिला. बारामती विभागातील 100 पोलीस अधिकारी व कर्मचारी यांना या कायद्याबाबत प्रशिक्षण देण्यात आले.
बारामतीत जागतिक एड्स दिनानिमित्त समानता संकल्पना
2 Comments on “पोलिसांकरिता पोस्को कायद्याचे प्रशिक्षण”