बारामती, 11 ऑक्टोबरः बारामती तालुक्यातील भिलारवाडी ग्रामपंचाय येथे एक अनोखा उपक्रम करण्यात येत आहे. महिलांचा प्रशासनात तसेच सामाजिक क्षेत्रात सहभाग वाढावा, याकरीता भिलारवाडी येथे पहिली महिला सभा नुकतीच पार पडली. यावेळी सावित्रीबाई फुले यांच्या प्रतिमेस पुष्पहार अर्पण करून सभेत सुरुवात करण्यात आली.
तहसील कार्यालयातील महसूल सहाय्यक एसीबीच्या जाळ्यात
गावच्या सर्वांगीण विकासात महिलांचे स्थान वाढावे, महिला साक्षरतेचे प्रमाण वाढावे याकरीता सदर उपक्रम राबवण्यात असल्याची माहिती गावच्या सरपंच सत्वशीला जगताप यांनी सांगितले.
बारामतीत ईद-ए-मिलादुन्नबीनिमित्त पाणी, फ्रुटी, बिस्कीटचे वाटप
या सभेच्या दरम्यान गावातील सर्व स्तरावरील महिला-भगिनी उपस्थित होत्या. यामध्ये महिला बचत गटाच्या सदस्या, आशा सेविका, अंगणवाडी सेविका तसेच गावातील ज्येष्ठ माता-भगिनी उपस्थित होत्या.
या कार्यक्रम प्रसंगी सरपंच सत्वशीला जगताप, ग्रामपंचायत सदस्य सुप्रिया काळाणे, ग्रामपंचायत सदस्य अलका पोंदकुले, ग्रामपंचायत सदस्य आशा खोमणे, अंगणवाडी सेविका विजया भिलारे, शालन चव्हाण, आशा सेविका दिपाली शिंदे, ग्रामरोजगार सेवक स्वाती सोनवणे यासह अनेक महिला भगिनी उपस्थित होत्या. या सभेमध्ये युवतींचा मोठ्या प्रमाणात सहभाग होता.
