दुबई, 20 जानेवारीः (विश्वजीत खाटमोडे) पाकिस्तान क्रिकेट संघाचा माजी कर्णधार शोएब मलिकने पुन्हा एकदा लग्न केले आहे. शोएबने पाकिस्तानी अभिनेत्री सना जावेदसोबत लग्न केले आहे. तत्पूर्वी, गेल्या काही दिवसांपासून शोएब मलिक आणि भारताची माजी टेनिस स्टार सानिया मिर्झा यांच्या घटस्फोटाच्या चर्चा जोरात सुरू होत्या. तर शोएब मलिकने आता दुसरे लग्न केल्यामुळे त्यांच्या घटस्फोटावर शिक्कामोर्तब झाले आहे. मात्र, त्यांच्या घटस्फोट संदर्भात कोणतीही अधिकृत माहिती मिळालेली नाही.
https://twitter.com/realshoaibmalik/status/1748588432366936242?s=19
शोएब मलिक याचे हे तिसरे लग्न आहे
तत्पूर्वी, शोएब मलिकने त्याच्या लग्नाचे फोटो सोशल मीडियावर शेयर केले आहेत. त्यानंतर सोशल मीडियावर एकच खळबळ उडाली. शोएब मलिकच्या या फोटोंवर सध्या कॉमेंटचा वर्षाव होताना दिसत आहे. दरम्यान, 41 वर्षीय शोएब मलिकचे हे तिसरे लग्न आहे. शोएबचे पहिले लग्न आयेशा सिद्दीकी हिच्यासोबत झाले होते. त्यानंतर शोएब मलिकने तिला घटस्फोट देऊन भारताची माजी टेनिस स्टार सानिया मिर्झा हिच्याशी 2010 मध्ये लग्न केले होते. त्या दोघांना एक मुलगा आहे.
अभिनेत्री सना जावेदचे ही दुसरे लग्न!
जवळपास 13 वर्षांच्या संसारानंतर शोएब मलिकने आता अभिनेत्री सना जावेदसोबत तिसरे लग्न केले आहे. दरम्यान, पाकिस्तानी अभिनेत्री साना जावेद हिचे देखील हे दुसरे लग्न आहे. सना जावेदने 2020 मध्ये गायक उमेर जसवालसोबत लग्न केले होते. परंतू, त्यांचे हे लग्न फार काळ टिकले नाही. गेल्या वर्षी दोघांचा घटस्फोट झाला. तर तिचा पहिला पती उमेर जसवाल हा पाकिस्तानी अभिनेता, निर्माता, गायक आणि संगीतकार आहे.
