बारामतीत राज्यपाल, पालकमंत्र्यांविरोधात निषेध मोर्चा

बारामती, 14 डिसेंबरः छत्रपती शिवाजी महाराज, महात्मा फुले, विश्वरत्न डॉ. बाबासाहेब आंबेडकर, कर्मवीर भाऊराव पाटील यांच्या विषयी राज्यपाल भगतसिंग कोश्यारी, पालकमंत्री चंद्रकांत पाटील, सुधांशू त्रिवेदी, राम कदम यांच्याकडून वारंवार अवमानकारक वक्तव्य करण्यात आले आहे. या वक्तव्यांच्या निषेधार्थ 13 डिसेंबर 2022 रोजी बारामती शहरामध्ये समस्त बहुजन समाजाच्या वतीने जाहीर निषेध मोर्चाचे आयोजन करण्यात आले होते.

भाजप कार्यालयाला काळं फासणाऱ्यांना अखेर अटक!

सदर मोर्च्याची सुरुवात बारामती शहरातील सिध्दार्थनगर येथील बौध्द विहार येथून करण्यात आली. त्यानंतर मोर्चा शहराच्या दिशेने काढून बारामती नगर परिषदेसमोर निषेध सभा पार पडली. या मोर्च्यामध्ये हजारोच्या संख्येने बहूजन समाजातील महिला व कार्यकर्ते तसेच पदाधिकारी सहभागी झाले होते. तसेच या मोर्चास बारामतीमधील व्यापारी महासंघाने पाठींबा देवून बारामती बंदची हाक दिली होती. त्यास बारामतीकरांच्या वतीने उस्फुर्त प्रतिसाद देऊन दुकाने बंद ठेवली होती. या मोर्चाच्या निषेध सभेची सुरूवात समता सैनिक दलाकडून त्रिसरण पंचशील घेवून करण्यात आली.

या निषेध सभेत सोहेल शेख, समता परिषदेचे घुले, माजी नगरसेवक अभिजीत काळे, साधू बल्लाळ, माजी नगराध्यक्ष योगेश जगताप, मच्छिंद्र टिंगरे, संभाजी ब्रिगेडच्या वतीने विनोद जगताप, वंचित बहूजन आघाडीच्या वतीने राज कुमार यांनी राज्यपाल व पालक मंत्री पाटील यांच्या वक्तव्याचा निषेध केला. राष्ट्रवादीचे जय पाटील यांच्या वतीने सदर मोर्चास पाठींबा देण्यात आला. सदरच्या मोर्चाचे आयोजन बसपाचे काळूराम चौधरी, माजी उपनगराध्यक्ष नवनाथ बल्लाळ, माजी नगरसेवक अभिजीत चव्हाण, माजी नगरसेवक गणेश सोनवणे, माजी नगरसेविका आरती शेंडगे, वंचितचे जिल्हा महासचिव मंगलदास निकाळजे, बबलू जगताप, सिध्दार्थ सोनवणे, लोकशाही प्रतिष्ठानचे अनिकेत मोहिते, गौतम शिंदे, शुभम अहिवळे, विकास जगताप, सिध्दांत सावंत, भास्कर दामोदरे, वंचितचे विनायक दामोदरे, रोहित भोसले, कृष्णा क्षीरसागर यांनी केले होते.

बारामतीमधील भाजप कार्यालयाला भिमसैनिकाने फासलं काळं!(व्हिडीओ)

राज्यपाल भगतसिंग कोश्यारी यांची राज्यपाल पदावरून हकलपट्टी करण्यात यावी, चंद्रकांत पाटील यांच्यावर अ‍ॅट्रॉसिटी नुसार गुन्हा दाखल यावा, आदी मागणी आयोजकांच्या वतीने करण्यात आली. तसेच शाईफेक प्रकरणातील मनोज गरबडे या भिमसैनिकावरील 307, 353 सारखे खोटे गुन्हे मागे घेण्याची मागणी करण्यात आली, शाई फेक प्रकरणामधील पोलीस कर्मचारी व अधिकारी यांचे निलंबन मागे घेण्याची मागणी करण्यात आली. तसेच पत्रकार वाकडे यांच्या बेकायदेशीर अटकेचा निषेध करण्यात आला. तसेच आयोजकांच्या वतीने देखील निषेध नोंदवण्यात आला.

या मोर्चामध्ये माजी नगराध्यक्ष कैलास चव्हाण, माजी उपनगरध्यक्ष भारत अहिवळे, माजी उपनगराध्यक्ष बिरजू मांढरे, राष्ट्रवादीचे तालुकाध्यक्ष संभाजी होळकर, माजी नगरसेवक सुधीर सोनवणे, किशोर सोनवणे, नितीन शेलार, निलेश मोरे, दिपक भोसले, रोहन माघाडे, संतोष काकडे, राहूल कांबळे, सिध्दार्थ शिंदे, सिताराम कांबळे, अप्पा अहिवळे, सुशिल अहिवळे, अजित कांबळे, स्वप्निल जगताप, अ‍ॅड. अमोल सोनवणे आदींची उपस्थिती होती.