बारामती, 17 मेः बारामती शहरातील भारतरत्न डॉ.बाबासाहेब आंबेडकर पुतळा स्मारक समोर असलेले प्रशासकीय भवनचे मुख्य प्रवेशद्वार (गेट) प्रशासकीय भवन निर्माण झाल्यापासून बंद अवस्थेत आहे. सदरील मुख्य प्रवेशद्वार हे चालु करणे अत्यंत गरजेचे आहे. यामुळे लोकांना पाठीमागील दाराने विनाकारण जावे लागत आहे. एस.टी. स्टॅड पासून मुख्य प्रवेशद्वार हे जवळचा आणि सोपा मार्ग आहे. तसेच ते गेट उघडल्याने समोर राहत असणारे अनुसुचित जाती- जमातीतील लोक पुढे झेरॉक्स, टायपिंग, हॉटेल व इतर प्रकारची दुकाने टाकून आपली आर्थिक प्रगती करतील व अनुसूचित जाती जमातीला मुख्य प्रवाहात आणण्याचा हेतु साध्य होईल. तसेच भारतरत्न डॉ. बाबासाहेब आंबेडकर पुतळा स्मारक समोरील गेट उघडल्यानंतर समोर स्वच्छता देखील राहिल,
भारतरत्न डॉ. बाबासाहेब आंबेडकर पुतळा स्मारक समोर असलेले नवीन प्रशासकीय भवनने मुख्य प्रवेशद्वार लवकरात लवकर उघडून सात दिवसात खुले करावे, नाही तर तीव्र स्वरूपाचे आंदोलन करण्याचे कळवले होते. मात्र अद्याप कोणत्याही प्रकारची कार्यवाही करण्यात आली नसल्याने वंचित बहुजन आघाडीच्या वतीने 19 मे 2022 रोजी आंबेडकरी स्टाईलने आंदोलनास करणार आहे, असे निवेदन देण्यात आले.
निवेदन देते वेळी वंचित बहुजन आघाडीचे पुणे जिल्हा महासचिव मंगलदास निकाळजे, शहर अध्यक्ष जितेंद्र कवडे, सिद्धार्थ सोनवणे, आकाश लांडगे, कृष्णा साळुंके, सिद्धार्थ पवार, कुणाल लांडगे, सागर सरवदे, रितेश कांबळे, मानव उगाडे, कृष्णा क्षीरसागर, प्रशांत सरतापे,आदी कार्यकर्ते उपस्थित होते.
