मुंबई, 30 जूनः मुंबई विधान भवनातील सभागृत महाराष्ट्र राज्याचे नवे मुख्यमंत्री म्हणून एकनाथ शिंदे यांनी शपथ घेतली आहे. राज्यपाल भगत सिंह कोश्यारी यांच्या उपस्थितीत एकनाथ शिंदे यांना मुख्यमंत्री पदाच्या गोपणीयतेची शपथ घेतली. राज्याचे 30 वे मुख्यमंत्री म्हणून एकनाथ शिंदे यांनी शपथ घेतली आहे. दरम्यान देवेंद्र फडणवीस आणि एकनाथ शिंदे यांनी घेतलेल्या पत्रकार परिषदेत मुख्यमंत्री पदासाठी एकनाथ शिंदे यांचे नाव घोषित केले होते.
या पत्रकार परिषदेत फक्त एकनाथ शिंदे यांचीच शपथ विधी होईल, असे जाहीर करण्यात आले होते. मात्र आता राज्याचे नवे उपमुख्यमंत्री म्हणून देवेंद्र फडणवीस यांनी शपथ घेतली आहे. यामुळे देवेंद्र फडणवीस हे आता राज्याचे उपमुख्यमंत्री म्हणून नव्या भूमिकेत जबाबदारी पार पडणार आहेत.
दरम्यान, एकनाथ शिंदे यांनी मुख्यमंत्री पदाची शपथ घेण्याआधी त्यांच्या फेसबुकचा डीपी बदलला आहे. या डीपीत त्यांनी शिवसेनाप्रमुख बाळासाहेब ठाकरे यांच्या जवळ बसून चर्चा करत असलेला फोटो ठवला आहे.
