मुंबई, 23 एप्रिल: (विश्वजीत खाटमोडे) लोकसभा निवडणुकीच्या तिसऱ्या टप्प्यासाठी 7 मे रोजी मतदान पार पडणार आहे. राज्यात तिसऱ्या टप्प्यात रायगड, बारामती, स्मानाबाद, लातूर, सोलापूर, माढा, सांगली, सातारा, रत्नागिरी-सिंधुदुर्ग, कोल्हापूर आणि हातकणंगले अशा 11 मतदारसंघांत मतदान होणार आहे. लोकसभा निवडणुकीच्या तिसऱ्या टप्प्यातील मतदानासाठी अर्ज मागे घेण्याची प्रक्रिया पूर्ण झाली आहे. त्यामुळे तिसऱ्या टप्प्यातील उमेदवारांची यादी प्रसिद्ध झाली आहे. तिसऱ्या टप्प्यात आता एकूण 258 उमेदवार हे निवडणुकीच्या रिंगणात आहेत. यामध्ये बारामती मतदार संघात सर्वाधिक 38 उमेदवार उभे आहेत. यासंदर्भातील माहिती मुख्य निवडणूक अधिकारी कार्यालयाने दिली आहे.
#लोकसभानिवडणूक२०२४
— ChiefElectoralOffice (@CEO_Maharashtra) April 22, 2024
तिसऱ्या टप्प्यात ११ मतदारसंघात नामनिर्देशन पत्र दाखल करण्याची प्रक्रिया पूर्ण झाली आहे. आता २५८ उमेदवार निवडणूक रिंगणात आहेत, अशी माहिती @CEO_Maharashtra कार्यालयाने दिली आहे. https://t.co/qG3irQgMks
लोकसभा निवडणुकीच्या तिसऱ्या टप्प्यातील मतदानासाठी रायगड लोकसभा मतदारसंघात 13 उमेदवार, बारामतीत 38, उस्मानाबाद 31, लातूर 28, सोलापूर 21, माढा 32, सांगली 20, सातारा 16, रत्नागिरी-सिंधुदुर्ग 9, कोल्हापूर 23 आणि हातकणंगले लोकसभा मतदारसंघात 27 उमेदवार निवडणुकीच्या रिंगणात उभे आहेत. या मतदारसंघात 7 मे रोजी मतदान होणार आहे. तर या निवडणुकीचा निकाल 4 जून रोजी जाहीर होणार आहे.
