मुख्यमंत्र्यांना शिवीगाळ केल्याप्रकरणी ठाकरे गटाच्या नेत्याला अटक

मुंबई, 29 नोव्हेंबर: (विश्वजीत खाटमोडे) मुख्यमंत्री एकनाथ शिंदे यांना जाहीर सभेतून शिवीगाळ केल्याप्रकरणी शिवसेना (उद्धव बाळासाहेब ठाकरे) पक्षाचे नेते आणि मुंबईचे माजी महापौर दत्ता दळवी यांना अटक करण्यात आली आहे. ही कारवाई मुंबईच्या भांडुप पोलिसांनी केली आहे. तर याप्रकरणी दत्ता दळवी यांची पोलीस चौकशी करणार आहेत. त्यामुळे जाहीर सभेत मुख्यमंत्र्यांबद्दल आक्षेपार्ह वक्तव्य करणे दत्ता दळवी यांना भोवले आहे.

अटीतटीच्या लढतीत ऑस्ट्रेलियाचा भारतावर 5 गडी राखून विजय

दरम्यान, भांडूप येथे गेल्या रविवारी शिवसेना (उद्धव बाळासाहेब ठाकरे) पक्षाचा मेळावा पार पडला होता. या मेळाव्यातील जाहीर सभेत दत्ता दळवी यांनी मुख्यमंत्री एकनाथ शिंदे यांच्यावर टीका केली. तर काही दिवसांपूर्वी राजस्थान मधील विधानसभा निवडणुकीच्या प्रचारादरम्यान एकनाथ शिंदे यांच्या नावापुढे ‘हिंदुह्रदयसम्राट’ असे लिहिण्यात आले होते. त्याच्या बॅनरचा फोटो व्हायरल झाला होता. यासंदर्भात भांडूप मेळाव्यात बोलताना दत्ता दळवी यांनी मुख्यमंत्री एकनाथ शिंदे यांच्याविषयी आक्षेपार्ह वक्तव्य केले आणि त्यांना शिवीगाळ केली.

त्यानंतर शिवसेनेच्या शिंदे गटाने भांडूप पोलीस ठाण्यात याप्रकरणी तक्रार केली होती. त्यानूसार जाहीर सभेत संविधानिक पदावर बसलेल्या व्यक्तीविषयी अश्लील शिवीगाळ केल्याप्रकरणी दत्ता दळवी यांच्या विरोधात विविध कलमाअंतर्गत गुन्हा नोंदविण्यात आला होता. याप्रकरणी त्यांना आज अटक करण्यात आली आहे. तर दत्ता दळवी यांना आजचं न्यायालयात हजर करण्यात येणार असल्याचे म्हटले जात आहे.

बोगद्यात अडकलेल्या 41 मजुरांना सुखरूप बाहेर काढले

तत्पूर्वी, मुख्यमंत्री एकनाथ शिंदे हे राजस्थानमध्ये विधानसभा निवडणुकीच्या प्रचारासाठी गेले होते. त्यावेळी राजस्थानच्या हवामहल विधानसभा मतदारसंघातील भाजप समर्थकांनी एकनाथ शिंदे याचे ‘हिंदुहृदयसम्राट’ असे वर्णन असलेले पोस्टर लावले होते. त्यानंतर या पोस्टरवरून गेल्या काही दिवसांपासून ठाकरे गट आणि शिंदे गट यांच्यात वाद सुरू होता. अशातच दत्ता दळवी यांना आता अटक करण्यात आल्यामुळे हा वाद आणखी वाढण्याची शक्यता आहे.