इंदापूर, 22 जानेवारीः (विश्वजीत खाटमोडे) वंचित बहुजन युवा आघाडी इंदापूर शहर व तालुका कार्यकारिणीच्या मुलाखतीचा कार्यक्रम काल पार पडला. वंचित बहुजन आघाडीचे राष्ट्रीय अध्यक्ष श्रद्धेय बाळासाहेब आंबेडकर यांच्या आदेशाने, युवकचे प्रदेशाध्यक्ष निलेशजी विश्वकर्मा साहेब तसेच राज्य महासचिव राजेंद्रजी पतोडे, निरीक्षक ऋषिकेश दादा नागरे पाटील यांच्या सुचनेनुसार, पुणे जिल्ह्यातील तालुका शहर बांधणी चालू आहे. या पार्श्वभूमीवर, इंदापूर शहर व तालुका बांधणीसाठी इंदापूर येथे हा मुलाखतीचा कार्यक्रम घेण्यात आला होता. या कार्यक्रमाला इंदापूर शहर व तालुक्यातील वंचित बहुजन आघाडीचे युवा कार्यकर्ते मोठ्या संख्येने उपस्थित होते.
तत्पूर्वी, या कार्यक्रमाची सुरूवात प्रमुख मान्यवरांचे स्वागत करून जिल्हा नियुक्ती झालेल्या सर्वांचे सत्कार करून करण्यात आली. या कार्यक्रमात विविध जाती धर्मातील युवकांनी सहभाग घेऊन मुलाखती दिल्या. या कार्यक्रमाचे प्रमुख मार्गदर्शन वंचित बहुजन युवा आघाडीचे पुणे जिल्हाध्यक्ष मंगलदास निकाळजे यांनी केले आहे. युवा आघाडी मोठ्या ताकतीने वाढवून जिल्ह्यातील सर्व कार्यकर्त्यांना बळ देणार असल्याचे प्रतिपादन मंगलदास निकाळजे यांनी केले. तसेच त्यांनी सामान्य नागरिकांचे व युवकांचे प्रश्न सोडवण्यासाठी काम करून वंचित बहुजन युवा आघाडी वाढवणार असल्याचे सांगितले आहे. सोबतच मंगलदास निकाळजे यांनी यावेळी मुलाखतीस आलेल्या सर्व कार्यकर्त्यांना मार्गदर्शन केले.
याशिवाय, पुणे जिल्हा महासचिव प्रतीक चव्हाण यांनी यावेळी कार्यक्रमाची रूपरेषा सांगत कार्यकर्त्यांना मार्गदर्शन देखील केले. या कार्यक्रमासाठी वंचित बहुजन युवा आघाडीचे पुणे जिल्हा उपाध्यक्ष माननीय गणेश थोरात, सहसचिव कृष्णा साळुंके, संघटक रोहित माने, बारामती तालुका संघटक सागर गवळी तसेच वंचित बहुजन आघाडी इंदापूर शहराध्यक्ष सुभाष खैरे इत्यादी पदाधिकारी उपस्थित होते. कार्यक्रमाचे प्रास्ताविक व आभार इंदापूर शहर उपाध्यक्ष कीर्ती कुमार वाघमारे यांनी केले. तसेच कार्यक्रमाचे आयोजन वंचित बहुजन युवा आघाडी जिल्हा उपाध्यक्ष श्री किरण मिसाळ यांनी केले.