बारामती, 13 मार्च: (विश्वजीत खाटमोडे) बारामती तालुका रिपब्लिकन पार्टी ऑफ इंडियाच्या (आठवले) वतीने पक्षाच्या सिद्धेश्वर निंबोडी या शाखेचे उद्घाटन नुकतेच पार पडले आहे. या कार्यक्रमाला रिपब्लिकन पार्टी ऑफ इंडियाचे बारामती तालुक्यातील पदाधिकारी आणि कार्यकर्ते मोठ्या संख्येने उपस्थित होते. हा कार्यक्रम भव्य आणि दिव्य पद्धतीने पार पडला. बारामती तालुकाध्यक्ष संजय वाघमारे यांच्या मार्गदर्शनाखाली हा कार्यक्रम आयोजित करण्यात आला होता. सिद्धेश्वर निंबोडी येथे आता रिपब्लिकन पार्टी ऑफ इंडियाची शाखा झाल्याने पक्षाचा विस्तार होण्यास मदत होणार आहे.
याप्रसंगी, रिपब्लिकन पार्टी ऑफ इंडियाचे पुणे जिल्हा अध्यक्ष विक्रम शेलार, वरिष्ठ उपाध्यक्ष नरेश डाळिंबे, पश्चिम महाराष्ट्र सचिव सुनील शिंदे, मातंग आघाडी पुणे जिल्हा अध्यक्ष प्रमोद खंडाळे, उपाध्यक्ष मातंग आघाडी झोंबाडे, महिला आघाडी वरिष्ठ उपाध्यक्ष शालन भोसले, सविता गायकवाड, मराठा आघाडीच्या हिरा लोणकर, पुणे जिल्हा मातंग आघाडीच्या पुणे जिल्हा अध्यक्ष सीमा घोरपडे, तालुका अध्यक्षा मातंग आघाडी सपना सोनवणे, अनिल लांडगे, पुणे जिल्हा सरचिटणीस मातंग आघाडी रोहित लांडगे, शाखाध्यक्ष वैभव जगताप, रोहित गायकवाड, बारामती तालुका उपाध्यक्ष सुरेश भोसले, बिट्टू कांबळे यांच्यासह रिपब्लिकन पार्टी ऑफ इंडिया बारामती तालुक्यातील सर्व कार्यकर्ते व पदाधिकारी मोठ्या संख्येने उपस्थित होते.
