आठ वर्षांच्या लढ्यास अखेर यश!

बारामती, 6 डिसेंबरः साधारणतः मागील आठ वर्षांपासून बारामती मधील आमराईतील झोपडपट्टी परिसरातील अंतर्गत ठिकाणी विद्युत खांब बसविण्यात यावेत, यासाठी वारंवार बारामती नगरपरिषदेस लेखी निवेदने रिपब्लिकन पार्टी ऑफ इंडिया (आठवले गट) रविंद्र(पप्पू) सोनवणे यांच्या मार्फत दिली गेली. प्रसंगी आंदोलन देखील करण्यात आले. याचीच दखल घेत 1 डिसेंबर 2023 रोजी सदरील झोपडपट्टी परिसरातील अंतर्गत ठिकाणी सुरुवातीचा भाग म्हणून विद्युत खांब बसविण्यात आले.

सदरील विद्युत खांब बसविण्यासाठी बारामती नगरपरिषदेचे मुख्याधिकारी महेश रोकडे यांच्या आदेशाने बानप विद्युत विभागाचे प्र. अधिकारी संजय सोनवणे यांच्या देखरेखीत आणि बानपचे सुतार यांनी काम पाहिले. लवकरच आमराई मधील उर्वरित झोपडपट्टी परिसरातील अंतर्गत ठिकाणी विद्युत खांब बसविण्यात येणार आहेत.

ऑल इंडिया संपादक संघाच्या महाराष्ट्र राज्य प्रदेशाध्यक्ष पदी स्वप्निल कांबळे यांची निवड

बऱ्याच वर्षांच्या प्रतीक्षेनंतर झोपडपट्टी परिसरात विद्युत खांब बसविण्यात आल्याबद्दल स्थानिक नागरिकांनी देखील समाधान व्यक्त करून रविंद्र (पप्पू) सोनवणे यांचे तसेच बारामती नगरपरिषदेतील संबंधित अधिकाऱ्यांचे आणि आरपीआय (आठवले) पक्षातील कार्यकर्त्यांचे देखील आभार मानले.

महापरिनिर्वाण दिनानिमित्त मुंबईत सुट्टी जाहीर

यावेळी आरपीआयचे प. महारष्ट्र सचिव सुनील शिंदे), पुणे जिल्हा महिला अध्यक्षा रत्नप्रभा साबळे, गणेश मागाडे, सोयल शेलार, लखन लोंढे, शेखर लोंढे आदी सामाजिक कार्यकर्ते तसेच स्थानिक नागरिक देखील उपस्थित होते.