बारामती, 3 ऑक्टोबरः सर्व महापुरुषांच्या संयुक्त जयंती महोत्सवानिमित्त शनिवारी, 1 ऑक्टोबर 2022 रोजी तब्बल 102 शालेय विद्यार्थ्यांना ड्रेस, शालेय साहित्याचे वाटप करण्यात आले. या कार्यक्रमात गुणवंत विद्यार्थ्यांचा सत्कार करण्यात आला. यासह सामाजिक क्षेत्रात योगदान देणाऱ्या वकील, डॉक्टर, पत्रकार यांना संविधान सन्मान पुरस्कार देण्यात आला. त्याच बरोबर सामाजिक कार्यकर्ते, ज्येष्ठ नागरीकांना समाज गौरव पुरस्कार देऊन बारामतीत आयोजित कार्यक्रमात सन्मान करण्यात आला.
पुणे स्टेशनवर मोठी दुर्घटना; उच्च दाब विद्युत तारेला तरुणाचा स्पर्श
बारामती येथील ज्येष्ठ नागरिक संघ सभागृहात बारामती उपविभागाचे पोलीस उपाधिक्षक गणेश इंगळे, मनसे प्रदेश उपाध्यक्ष अॅड. सुधीर पाटसकर, दूध संघाचे चेअरमन संदीप जगताप, भाजप प्रदेश सरचिटणीस सचिन आरडे, ज्येष्ठ नागरिक संघाचे अध्यक्ष एम.डब्ल्यू. जोशी, आंबेडकर चळवळीचे नेते नागसेन धेंडे, संजय गांधी निराधार समितीचे माजी अध्यक्ष किरण तावरे, सुखदेव हिवरकर आदींच्या हस्ते सदरील सत्कार सन्मान करण्यात आले.
सदर कार्यक्रमाचे आयोजन सामाजिक कार्यकर्ते व मुख्य संयोजन सुनिल शिंदे, उमेश दुबे, साधू बल्लाळ, विश्वास लोंढे, निलेश जाधव यांनी केले. विधीक्षेत्रातील अॅड. बापूसाहेब शीलवंत, अॅड. सचिन वाघ, अॅड. अजित बनसोडे, अॅड. अमृत नेटके, अॅड. अमोल सोनवणे, अॅड. करीम बागवान, अॅड. स्वप्निल खरात, अॅड. अभय जगताप, अॅड. गोविंद देवकाते यांना, वैद्यकीय क्षेत्रातून डॉ. सदानंद काळे, डॉ. कपिल सोनवणे, डॉ. स्वप्नील मुथा यांना, पत्रकारितेमधून तैनूर शेख, लक्ष्मण भिसे, शुभम अहिवळे, सुरज देवकाते, भारत तुपे, योगेश नालंदे, क्यामुद्दिन शेख, संतोष शिंदे यांना, तर सामाजिक क्षेत्रातून अनिकेत मोहिते, सुरज वनसाळे, नितीन शेलार, प्रा. सुनिल लोखंडे, प्रा. रमेश मोरे यासह विशाल जाधव, प्रशांत कुचेकर, उत्पल शेलार, निलेश कोठारी, विजयराव (डॅडी) सोनवणे, वैभव धाइंजे यांना, ज्येष्ठ नागरिक म्हणून टी.व्ही. मोरे, नागसेन धेंडे, कचर शिंदे, लक्ष्मण बगाडे, माणिकराव आडागळे, अनंत मोरे, नारायण खटके, नंदू गायकवाड, निवृत्त पोलीस अधिकारी गलगले, मुरलीधर जगताप आदिंना संविधान सन्मान ट्रॉफी, शाल, श्रीफळ, पुष्पगुच्छ, पुरस्कार देऊन केला.
यावेळी रिपब्लिकन पक्षाच्या महिला आघाडी जिल्हाध्यक्षपदी निवड झाल्याबद्दल रत्नप्रभा साबळे, तालुकाध्यक्षपदी निवड झाल्याबद्दल संजय वाघमारे, कार्याध्यक्ष माऊली कांबळे, युवक जिल्हा कार्याध्यक्षपदी निवड झाल्याबद्दल रविंद्र सोनवणे आदींचा यथोचित सन्मान केला.
या कार्यक्रमास बारामती बँकेचे माजी संचालक सुनील देशमुख, राष्ट्रवादी काँग्रेसचे अॅड. हरीश तावरे, पत्रकार दत्ता सावंत, बापूराव सोलनकर, रिपब्लिकन पक्षाचे मधुकर मोरे आदींसह सामाजिक, शैक्षणिक, राजकीय,पत्रकारिता, सांस्कृतिक क्षेत्रातील मान्यवर उपस्थित होते. कार्यक्रमाचे सुरुवातीला महापुरुषांच्या प्रतिमेला पुष्पहार घालून दीपप्रज्वलने केली. कार्यक्रमाचे प्रास्ताविक मुख्य संयोजक सुनिल शिंदे यांनी केले, तर गणेश इंगळे, सुधीर पाटसकर, किरण तावरे, अॅड. करीन बागवान, साधू बल्लाळ यांनी मनोगतातून महापुरुषांच्या कार्याचा गौरव करीत सुत्य उपक्रमाचे स्वागत केले. आभार प्रदर्शन निलेश जाधव यांनी केले. कार्यक्रमाचे सूत्रसंचालन निवेदक सलीम सय्यद यांनी केले.
