देवेंद्र फडणवीस आज घेणार मुख्यमंत्रिपदाची शपथ!

मुंबई, 05 डिसेंबर: (विश्वजीत खाटमोडे) महाराष्ट्र राज्याच्या महायुती सरकारचा आज (दि.05) शपथविधी सोहळा पार पडणार आहे. हा शपथविधी सोहळा मुंबईतील आझाद मैदानावर सायंकाळी 5.30 वाजता आयोजित करण्यात आला आहे. या भव्य सोहळ्यात महाराष्ट्राचे नवे मुख्यमंत्री म्हणून शपथ घेणार आहेत. या शपथविधी सोहळ्याला देशाचे पंतप्रधान नरेंद्र मोदी उपस्थित राहणार आहेत. तसेच यावेळी राष्ट्रवादीचे अध्यक्ष अजित पवार हे उपमुख्यमंत्रिपदाची शपथ घेणार आहेत. तर शिवसेना पक्षप्रमुख एकनाथ शिंदे हे देखील यावेळी उपमुख्यमंत्रिपदाची शपथ घेणार असल्याची शक्यता आहे.

https://x.com/ANI/status/1864258606507700337?t=G8SjtH5MxOEymr0C31awdw&s=19

अनेक मान्यवर उपस्थित राहणार

दरम्यान, देवेंद्र फडणवीस हे आज तिसऱ्यांदा महाराष्ट्राचे मुख्यमंत्री म्हणून शपथ घेणार आहेत. मुंबईतील आझाद मैदानावर हा शपथविधी सोहळा होणार असून, या सोहळ्यासाठी कडेकोट सुरक्षा व्यवस्था ठेवण्यात आली आहे. हा शपथविधी सोहळा एक भव्य कार्यक्रम असेल. या सोहळ्यात महायुतीचे हजारो कार्यकर्ते सहभागी राहणार आहेत. तसेच पंतप्रधान नरेंद्र मोदी, अनेक केंद्रीय मंत्री आणि विविध राज्यांचे मुख्यमंत्री आणि उपमुख्यमंत्री या समारंभाला उपस्थित राहतील.

व्हीव्हीआयपींना बसण्याची खास व्यवस्था

या शपथविधी सोहळ्याच्या ठिकाणी विविध धर्माच्या नेत्यांसह दोन हजार व्हीव्हीआयपींसाठी स्वतंत्र बसण्याची व्यवस्था करण्यात आली आहे. या शपथविधी सोहळ्याला पंतप्रधान नरेंद्र मोदी यांच्यासह अनेक मान्यवर उपस्थित राहणार आहेत. या पार्श्वभूमीवर, सुरक्षा यंत्रणा सज्ज झाल्या आहेत. या सर्वांच्या सुरक्षेसाठी आझाद मैदानावर मोठा बंदोबस्त करण्यात आला आहे. या सोहळ्यासाठी 4 हजारांहून अधिक पोलीस कर्मचारी तैनात करण्यात आले आहेत.

Leave a Reply

Your email address will not be published. Required fields are marked *