बारामती, 11 जुलैः बारामती पंचायत समितीच्या सार्वत्रिक निवडणूक 2022 साठी तालुकाच्या 14 गणातील आरक्षण सोडतची तारीख जाहीर करण्यात आली आहे. बारामतीमधील प्रशासकीय भवन समोर कविवर्य मोरोपंत नाट्य मंदीर येथे 13 जुलै रोजी सकाळी 11 वाजता उपविभागीय अधिकारी यांच्या उपस्थितीत बारामतीचे तहसिलदार आरक्षण सोडत जाहीर करणार आहेत.
तसेच जिल्हा परिषद पुणे, पंचायत समिती बारामती सार्वत्रिक निवडणुकीची प्रारुप मतदार यादी 18 जुलै रोजी प्रसिद्ध करण्यात येणार आहे. या मतदार यादीवर 22 जुलैपर्यंत हरकती व सूचना दाखल करता येतील. यादीवर द्यावयाच्या हरकती, सूचना तहसिल कार्यालयात मुदतीत सादर कराव्यात. प्राप्त हरकतीवर निर्णय घेतल्यानंतर अंतीम मतदार यादी प्रसिद्ध करण्याचा दिनांक 29 जुलै आहे. जिल्हा परिषद व पंचायत समिती बारामती निवडणुकीसाठी मतदान केंद्रांची यादी व केंद्रनिहाय मतदार यादी 8 ऑगस्ट रोजी प्रसिद्ध करण्यात येणार आहे.
आरक्षण सोडतीस तालुक्यातील नागरिकांनी 13 जुलै रोजी वेळेत उपस्थित रहावे, असे आवाहन तहसिलदार विजय पाटील यांनी केले आहे.
