बारामती, 03 फेब्रुवारी: बारामती लोकसभा मतदार संघाच्या खासदार मा. सुप्रियाताई सुळे या पत्रकारांना लवकरच दिल्लीला नेणार आहेत. सुप्रिया सुळे यांच्या वतीने दिल्लीतील एका पंचतारांकित हॉटेलमध्ये सर्व पत्रकारांची सोय करण्यात येणार आहे. ही एक अभ्यास सहल असल्याची माहिती मिळत आहे. मात्र, पत्रकारांना आमीश दाखवण्यासाठी खुश करण्यासाठी ही अभ्यास सहल आयोजित केल्याचे काही पत्रकारांमध्ये बोलले जात आहे. त्यामुळे पत्रकारांमध्ये सध्या चांगलाच असंतोष झाल्याचे पाहायला मिळत आहे.
पत्रकार जाणार दिल्लीला!
खासदार सुप्रियाताई सुळे यांनी पत्रकारांची वरात दिल्लीला नेण्याचे ठरवले आहे. मात्र, यामध्ये ठराविक विचारसरणीच्याच पत्रकारांना या सहलीचा लाभ मिळणार असून, येत्या लोकसभा निवडणुकीच्या आधी ही अभ्यास सहल आयोजित केल्याचे पत्रकार आपापसात बोलले जात आहे. परंतु, या अभ्यास सहलीमुळे पत्रकारांमध्ये दोन गट पडले आहेत. त्यामुळे विक्राळू पत्रकारांना व राजकीय दृष्टी समविचारी पत्रकारांना या वराती मध्ये नाचायला मिळणार असल्याचे काही पत्रकार म्हणत आहेत. दरम्यान, येत्या लोकसभा निवडणुकीत ज्याची खावी पोळी त्याची वाजवावी टाळी या म्हणीप्रमाणे मा. सुप्रिया ताई सुळे आणि शरद पवार गट यांचा प्रचार पत्रकारांनी केल्यास आश्चर्य वाटू नये.
One Comment on “चलो दिल्ली! पत्रकारांची वरात दिल्लीच्या दारात”