बारामती, 4 जुलैः बारामती येथील इंडियन रेड क्रॉस सोसायटी संचलित स्व. माणिकबाई चंदुलाल सराफ ब्लड बँक येथे रविवारी (3 जुलै) रक्तदान शिबिराचे आयोजन करण्यात आले होते. या रक्तदान शिबिरात 43 रक्तदात्यांनी उत्स्फूर्तपणे रक्तदान केले. सदर रक्तदान शिबीर पूर्वनिहित संगम फौंडेशन बारामती यांच्या वतीने आयोजित करण्यात आले होते.
यावेळी फौंडेशनचे चेअरमन नितिन आटोळे, व्हा. चेअरमन कुमार देवकाते, संचालक नितिन चालक, खजिनदार दत्तात्रय शिंदे, पुणे जिल्हा आरोग्य विभाग प्रमुख गणेश जगदाळे, पुणे जिल्हा शिक्षण विभाग प्रमुख पुरुषोत्तम शिंदे आदी शिबिराच्या उद्घाटनावेळी उपस्थित होते.
सदर रक्तदान शिबीर यशस्वी करण्यासाठी सागर पार्लेकर, चारुदत्त पेंढारकर, योगेश सस्ते, सुनील आटोळे, वाय ग्रुप बारामती, ऋषिकेश हेमाडे यांनी परिश्रम घेतले.
बानपचे जन्म मृत्यू, आवक जावक, नागरिक सुविधा केंद्र स्थालांतर
