यावेळी संचालक निविष्ठा व गुणनियंत्रण दिलीप झेंडे, आत्माचे संचालक तांभाळे, जिल्हा अधीक्षक कृषी अधिकारी ज्ञानेश्वर बोटे, आत्मा प्रकल्प उपसंचालिका खटावकर, नाबार्डचे अधिकारी सचिन कांबळे, रोहन मोरे, बँक ऑफ महाराष्ट्रचे मॅनेजर कांबळे, तालुका कृषी अधिकारी पुरंदर सूरज जाधव, मंडळ कृषी अधिकारी शेखर कांबळे, झेंडेवाडीच्या सरपंच पूनम झेंडे व सदस्य उपस्थित होते. यावेळी संचालक तांभाळे व संचालक दिलीप झेंडे यांनी उपस्थित महिला शेतकऱ्यांना मार्गदर्शन केले.
दरम्या, झेंडेवाडी येथील 20 महिलांनी एकत्र येऊन शेतकरी गट स्थापन केला होता. या गटाचे रूपांतर महिला शेतकरी उत्पादक कंपनीमध्ये झाले आहे. एकूण 350 भागधारक असलेली ही कंपनी फळे व भाजीपाला प्रक्रिया करून शीतगृहामध्ये साठवणूक करत आहे. यामुळे नाशवंत मालाचे होणारे नुकसान कमी होत आहे. तसेच महिलांच्या हाताला रोजगार मिळाला असून आर्थिक फायदा होत आहे. विकेल ते पिकेल अंतर्गत स्मार्ट प्रकल्पामध्ये या कंपनीची निवड झाली असून 97 लाखाचे कर्ज मंजूर करण्यात आले आहे.
