बारामतीत तरुणावर कोयत्याने सपासप वार

बारामती, 26 एप्रिलः बारामती तालुक्यातील मुरूम येथे एका तरुणावर कोयत्याने सपासप वार केल्याची घटना घडली आहे. या घटनेत आदित्य युवराज सोनवणे गंभीररित्या जखमी झाला असून त्यावर रुग्णालयात उपचार सुरु आहे. वडगाव निंबाळकर पोलीस स्टेशनमध्ये आदित्यचे वडील युवराज नारायण सोनवणे यांनी फिर्याद दिली आहे. या घटनेनंतर तीन संशयितांना गुन्हा दाखल करण्यात आला आहे. सदर घटनेचा गुन्हा वडगाव निंबाळकर पोलीस ठाण्यात भादवि कलम 307,326,341,34 यानुसार दाखल करण्यात आला आहे.

पोलिसांना दिलेल्या माहितीनुसार, बारामती तालुक्यातील मुरूम येथे आरोपींच्या बहिणीशी प्रेमसंबंध असल्याच्या संशयातून आदित्य सोनवणेवर कोयत्याने जीवघेणा हल्ला केल्याची घटना घडली. सदर हल्ल्यात आदित्य युवराज सोनवणे हा गंभीररित्या जखमी झाला आहे. या हल्ल्यात आदित्याच्या डोक्यासह हात आणि पोटावर वार झाले आहेत.

सदर फिर्यादीवरून वैभव खरात, हर्षद थोरात, सनी खुडे (सर्व रा. मुरूम, तळवणीनगर तालुका, बारामती) यांच्या विरोधात गुन्हा दाखल करण्यात आला आहे. या प्रकरणात वडगाव निंबाळकर पोलीस ठाण्याचे सहाय्यक पोलीस निरीक्षक सोमनाथ लांडे अधिक तपास करीत आहेत.

Leave a Reply

Your email address will not be published. Required fields are marked *