बारामती, 7 मार्चः बारामती येथील जळोची क्षेत्रकार्यालयाच्या हद्दीत श्रीरंग जमदाडे मित्र परिवार व श्रीनाथ म्हस्कोबा देवस्थान जळोची यांच्या संयुक्त विद्यामानाने 5 मार्च 2023 रोजी रक्तदान शिबीर संपन्न झाले. सदर रक्तदान शिबीरात तब्बल 106 रक्तदात्यांनी रक्तदान केले. सदर शिबीर हे महाराष्ट्र राज्याचे विरोधी पक्षनेते अजित पवार यांचे द्वितीय चिरंजीव जय पवार यांच्या वाढदिवसानिमित्त आयोजित करण्यात आले होते.
बारामती नगरपरिषदेच्या एनडीके ठेकेदाराची कामगारांवर मुजोरी
या प्रसंगी राष्ट्रवादीचे शहराध्यक्ष जय पाटील, बारामती बँकेचे चेअरमन सचिन सातव, उपाध्यक्ष रोहित घनवट, ओबीसी सेल कार्याध्यक्ष नितीन शेंडे, युवकाध्यक्ष अविनाश बांदल, माजी नगरसेवक अतुल बालगुडे, आशा माने, अमर धुमाळ, प्रताप पागळे, अर्जुन पागळे, तुषार लोखंडे, प्रवीण माने, विक्री कर निरीक्षक प्रियांका जगताप-भेलके आदी मान्यवर उपस्थित होते.
बारामतीमध्ये तालुका आणि शहर आरपीआयकडून विजयी आनंदोत्सव साजरा
रक्तदानाच्या माध्यमातून सामाजिक बांधिलकी जोपासली जावी, तसेच कोणासही रक्ताची गरज पडल्यास 24 तास सेवा उपलब्ध असल्याचे आयोजक श्रीरंग जमदाडे यांनी सदर कार्यक्रमाप्रसंगी सांगितले.
श्रीरंग जमदाडे मित्र परिवार, श्रीनाथ म्हस्कोबा देवस्थान व श्री संत सावता महाराज तरुण मंडळ, महाकाळेश्वर तरुण मंडळचे सर्व कार्यकर्ते, पदाधिकारी, विश्वस्त यांनी सदर कार्यक्रम यशस्वी करण्यासाठी परिश्रम घेतले. या कार्यक्रमात रक्तदान करणाऱ्या युवकांना प्रशस्तीपत्र देऊन सन्मानित करण्यात आले.
One Comment on “तब्बल 106 रक्तदात्यांनी केले रक्तदान”