बारामती, 11 मे: (विश्वजित खाटमोडे) अखिल भारतीय संत नामदेव क्षत्रिय एकसंघाच्या वतीने पंढरपूर येथे आयोजित करण्यात आलेल्या भव्य बैठकीत पश्चिम महाराष्ट्रातील महत्त्वाच्या निवडी जाहीर करण्यात आल्या. यामध्ये पुणे जिल्ह्यातील बारामती येथील ख्यातनाम कापड व्यापारी आणि जुन्या पिढीतील समाजसेवक बाबुराव सखाराम बाचल यांच्या दुकानाचे सध्याचे मालक सुनील होमकर यांची पुणे जिल्हा अध्यक्षपदी निवड करण्यात आली.
सुनील होमकर यांचे हे कापड दुकान बारामती शहरातील गांधी चौकात आहे. ते समाजनिष्ठ, सजग आणि कार्यशील व्यक्तिमत्त्व म्हणून परिचित असून, त्यांच्या नेतृत्वाखाली जिल्ह्यातील समाजकार्य अधिक प्रभावीपणे पार पाडले जाईल, असा विश्वास व्यक्त करण्यात आला आहे.
तसेच या बैठकीत अन्य महत्त्वाच्या नियुक्त्याही जाहीर करण्यात आल्या. त्यानुसार दत्तात्रय गणबोटे सर यांची पुणे जिल्ह्याचे कार्याध्यक्ष म्हणून आणि प्रदीप कळसकर यांची विभागीय उपाध्यक्षपदी निवड करण्यात आली. याची अधिकृत घोषणा अखिल भारतीय संत नामदेव क्षत्रिय एकसंघाचे राष्ट्रीय अध्यक्ष ऍड. महेश ढवळे यांनी यावेळी केली.
या यशस्वी निवडीबद्दल नवनियुक्त पदाधिकाऱ्यांचे व कार्यकारिणीतील इतर सदस्यांचे डॉ. नारायणराव पाथरकर, महादेवराव खटावकर, पांडुरंग दाभोळे, नामदेव औंधकर, विलासराव बकरे, शशिकला उरुणकर तसेच श्री संत नामदेव शिंपी समाजातील सर्व घटक व मित्र परिवार यांनी मनःपूर्वक अभिनंदन केले आहे.
