बारामती, 10 ऑक्टोबरः बारामती तालुक्यातील दि माळेगाव सहकारी साखर कारखान्याचा 66वा गळीत हंगाम शुभारंभ हा विरोधी पक्षनेते अजित पवार यांच्या हस्ते 9 ऑक्टोबर 2022 रोजी संपन्न झाला. सोमेश्वर कारखाना येथील शेतकरी मेळावा संपन्न झाल्यानंतर अजित पवार यांनी माळेगाव सहकारी साखर कारखाना येथे जात विविध विकासकामांची पाहणी केली. यानंतर अजित पवरांच्या हस्ते गळीत हंगाम शुभारंभ झाला. तसेच त्यांनी माळेगाव येथे शेतकरी मेळाव्यामध्ये शेतकऱ्यांना मार्गदर्शन केले.
सोमेश्वर कारखान्याचा अजित पवारांच्या हस्ते गळीत हंगाम शुभारंभ
या कार्यक्रमप्रसंगी माजी राज्यमंत्री दत्तात्रय भरणे, पुणे जिल्हा मध्यवर्ती बँकेचे अध्यक्ष दिगंबर दुर्गाडे, कारखान्याचे अध्यक्ष बाळासाहेब तावरे, उपाध्यक्ष सागर जाधव यासह कार्यकारी संचालक, संचालक मंडळ, कामगार, शेतकरी मोठ्या संख्येने उपस्थित होते.
