देऊळगाव रसाळ गावात विशेष श्रमसंस्कार शिबीर संपन्न

बारामती, 1 फेब्रुवारीः बारामती तालुक्यातील देऊळगाव रसाळ या गावात 17 जानेवारी ते 23 जानेवारी या कालावधीत ‘विशेष श्रमसंस्कार शिबीर’ पार पडले. हे शिबीर विद्या प्रतिष्ठानचे कमलनयन बजाज अभियांत्रिकी व तंत्रज्ञान महाविद्यालय तसेच वसंतराव पवार विधी महाविद्यालय, बारामती आणि सावित्रीबाई फुले पुणे विद्यापीठ राष्ट्रीय सेवा योजना यांच्या संयुक्त विद्यमाने स्वातंत्र्याचा अमृत महोत्सव अंतर्गत, ‘युवकांचा ध्यास, ग्राम शहर विकास’ या उपक्रमांतर्गत घेण्यात आले.

सदर शिबिराचा शुभारंभ प्राचार्य डॉ. अतुल शहाणे यांचे हस्ते तसेच सरपंच वैशाली वाबळे यांच्या अध्यक्षतेखाली संपन्न झाला. या सात दिवसीय शिबिरामध्ये स्वयंसेवकांनी पर्यावरण जागृती, मतदार जनजागृती, अन्न सुरक्षा जनजागृती, जल-संधारण, ग्राम-मंदिर स्वच्छता,  वृक्षारोपण, ग्रंथ- दिंडी, पथनाट्य, सांस्कृतिक कार्यक्रम आदी समाज प्रबोधनपर उपक्रम राबविले.

राज्यस्तर शालेय बेसबॉल स्पर्धेत पुणे विभाग प्रथम

त्याच बरोबर स्वयंसेवकांसाठी सातही दिवस योगा तसेच उपयुक्त व्याख्यानमालेचे आयोजन करण्यात आले. या दरम्यान, बारामतीचे तहसीलदार विजय पाटील, पोलीस निरीक्षक शेख, पोलीस निरीक्षक साळुंखे आणि राष्ट्रीय सेवा योजनाचे जिल्हा समन्वयक डॉ. विलास कर्डिले यांनी शिबिरास सदिच्छा भेट देत स्वयंसेवकांना मार्गदर्शन केले.

हे शिबीर यशस्वी होण्यासाठी प्राचार्य डॉ. आर. एस. बिचकर, सरपंच वैशाली वाबळे, उपसरपंच दत्तात्रय वाबळे, मुख्याध्यापक तावरे सर, आनंद रसाळ आणि दिपक वाबळे यांचे मोलाचे सहकार्य लाभले.

सावतामाळी स्कूलचा वार्षिक स्नेहसंमेलन उत्साहात संपन्न

शिबिराचा समारोप समारंभ मुख्याध्यापक तावरे यांच्या प्रमुख उपस्थितीत तसेच सरपंच वैशाली वाबळे यांच्या अध्यक्षतेखाली पार पडला. यावेळी स्वयंसेवकांनी आपले अनुभव व मनोगत व्यक्त केले. या शिबिराबद्दल देऊळगाव रसाळ ग्रामस्थांनी समाधान व्यक्त केले.