बारामती, 16 सप्टेंबरः रिपब्लिकन पार्टी ऑफ इंडिया आठवले गटाचे नेते तथा आरपीआय मातंग आघाडीचे महाराष्ट्र प्रदेशाध्यक्ष हनुमंतराव साठे यांच्या निधनाने बौद्ध व मातंग यांना जोडणारा दुवा हरपल्याची भावना शोकसभेत विविध वक्त्यांनी श्रद्धांजली अर्पण करताना व्यक्त केली. दिवंगत नेते हनुमंत साठे यांच्या निधन झाल्याने रिपब्लिकन पक्षाच्या वतीने बारामती येथील भारतरत्न डॉ. बाबासाहेब आंबेडकर पुतळा स्मारक या ठिकाणी 15 सप्टेंबर 2022 रोजी संध्याकाळी शोकसभेचे आयोजन करण्यात आले होते. या शोकसभेत विविध संघटनांच्या व्यक्तीनी दिवंगत नेते हनुमंतराव साठे यांना श्रद्धांजली अर्पण केली.
बारामती नगर परिषदेचा ढिसाळ कारभार; गणेश मुर्त्यांची विटंबना!!
रिपब्लिकन पक्षाचे सुनील शिंदे, विक्रम शेलार, रवींद्र सोनवणे, रत्नप्रभा साबळे, मयूर मोरे, राष्ट्रवादी पक्षाचे साधू बल्लाळ, विशाल जाधव, अप्पासाहेब अहिवळे, युवा पँथर संघटनेचे गौरव अहिवळे, सामाजिक कार्यकर्ते नानासाहेब साळवे आदींनी यावेळी दिवंगत नेते हनुमंत साठेंच्या आठवणींना उजाळा मनोगत व्यक्त केले.
यावेळी विक्रांत आढाव, संजय वाघमारे, अभिजीत कांबळे, अॅड सोमनाथ पाटोळे, नंदू खरात, मुरलीधर जगताप, अनिल मोरे, पत्रकार लक्ष्मण भिसे, उमेश दुबे, संतोष जाधव, दशरथ मांढरे, शुभम गायकवाड, अमोल इंगळे आदींसह विविध सामाजिक संघटनांचे अनेक पदाधिकारी यावेळी उपस्थित होते.
