बारामती, 21 जूनः बारामती शहरातील क्रीडा संकुल येथील लॉन टेनिस मैदानावर आंतरराष्ट्रीय योगदिनानिमित्त मंगळवारी (21 जून) सकाळी योग शिबिराचे आयोजन करण्यात आले होते.
या योग शिबिराला तहसीलदार विजय पाटील, उपमुख्यमंत्र्यांचे खासगी सचिव हनुमंत पाटील, गट विकास अधिकारी डॉ. अनिल बागल, नगरपरिषदेचे मुख्याधिकारी महेश रोकडे, क्रीडा संकुल समितीचे सदस्य अविनाश लगड यांच्यासह विविध विभागाचे शासकीय अधिकारी, कर्मचारी, बॅडमिंटन, कबड्डी, व्हॉलीबॉल, लॉन टेनिस, स्पोर्ट्स झुंबा, कराटे या खेळाचे प्रशिक्षक व खेळाडू उपस्थित होते.
यावेळी जीवन विद्या योग प्रशिक्षण संस्थेच्या विद्या कानडे यांनी योगा प्रशिक्षण शिबीर घेतले. तसेच आभार तालुका क्रीडा अधिकारी महेश चावले यांनी मानले.
