राज्य मंत्रिमंडळाची बैठक संपन्न, विविध महत्त्वाचे निर्णय घेण्यात आले

मुंबई, 23 सप्टेंबर: (विश्वजीत खाटमोडे) मुख्यमंत्री एकनाथ शिंदे यांच्या अध्यक्षतेखाली सोमवारी (दि.23) राज्य मंत्रिमंडळाची एक बैठक पार पडली. या बैठकीला मंत्रिमंडळातील विविध विभागाचे मंत्री उपस्थित होते. या बैठकीत अनेक महत्त्वपूर्ण निर्णय घेण्यात आले. यामध्ये पुण्यातील लोहगाव विमानतळाचे नामांतरण करण्याचा निर्णय घेण्यात आला. त्यानुसार, लोहगाव विमानतळाचे नाव ‘जगद्गुरु संत तुकाराम महाराज आंतरराष्ट्रीय विमानतळ, पुणे’ असे करण्यात आले आहे. सोबतच राज्यातील सरपंच आणि उपसरपंच यांच्या मानधनात दुप्पटीने वाढ करण्याचा निर्णय घेण्यात आला आहे.

https://x.com/CMOMaharashtra/status/1838175824132145471?s=19

मंत्रिमंडळाचे निर्णय संक्षिप्त स्वरूपात

1) बालगृहे निरीक्षणगृहातील कर्मचाऱ्यांना आश्वासित प्रगती योजना: शिक्षकांना वरिष्ठ निवड श्रेणी
2) धान उत्पादकांना दिलासा: आता प्रति क्विंटल चाळीस रुपये अतिरिक्त भरडाई दर
3) कुणबीच्या तीन पोटजातींचा इतर मागासवर्ग यादीमध्ये समावेश
4) जुन्नर येथे जिल्हा व अतिरिक्त सत्र न्यायालय
5) लोहगाव विमानतळाचे नाव ‘जगद्गुरु संत तुकाराम महाराज आंतरराष्ट्रीय विमानतळ, पुणे’ असे करण्याचा निर्णय
6) शिरूर ते छत्रपती संभाजीनगर ग्रीनफिल्ड द्रुतगती मार्ग. 1486 कोटीचा प्रकल्प

7) करदात्यांचे हित लक्षात घेऊन जीएसटी अधिनियमात सुधारणा
8) यवतमाळ, जळगांव जिल्ह्यातील सूतगिरणींना थकबाकी परतफेडीसाठी हप्ते
9) क्रिकेटपटू अजिंक्य रहाणे यांना सुसज्ज क्रीडा सुविधा उभारण्यासाठी वांद्रे येथील भूखंड देण्यात आला आहे.
10) ग्रामसेवक आणि ग्रामविकास अधिकारी पदांचे एकत्रीकरण करून ग्रामपंचायत अधिकारी पद
11) राज्यातील सरपंच उपसरपंच यांच्या मानधनात दुप्पट वाढ करण्याचा निर्णय

12) मुंबई उच्च न्यायालयाच्या वांद्रेतील नव्या संकुलाचे बांधकाम; राज्याचा महत्त्वपूर्ण प्रकल्प
13) हरित हायड्रोजन धोरणात अँकर युनिटची पारदर्शकपणे निवड करणार
14) एसटी महामंडळाच्या जमिनी बीओटी तत्वावर विकसित करणार: साठ वर्षाचा भाडेपट्टा करार
15) ब्राह्मण समाजासाठी परशुराम आर्थिक विकास महामंडळ
16) राजपूत समाजासाठी वीर शिरोमणी महाराणा प्रताप आर्थिक विकास महामंडळ
17) राज्यातील 14 आयटीआय संस्थांचे नामकरण
18) छत्रपती संभाजीनगर, नागपूर येथील विधी विद्यापीठांना सात कोटी रूपये

19) अत्युच्च गुणवत्ताधारक खेळाडूंना थेट नियुक्ती देण्याच्या निर्णयात सुधारणा
20) जलसंपदा कर्मचाऱ्यांना वरिष्ठ वेतनश्रेणी
21) श्रीरामपूर तालुक्यातील मौजे हरेगाव येथील शेती महामंडळाच्या जमिनी मूळ मालकांना परत करणार
22) दूध अनुदान योजना सुरु राहणार. उत्पादकांना गायीच्या दूधासाठी लीटरमागे सात रुपयांचे अनुदान
23) महाराष्ट्र राज्य सांस्कृतिक धोरण जाहीर